Imaxina que tamos en xunu.
Y güel a branu y a sablera
(playa o sablera, quier dicir lo mesmo)
Cuando taba preparándome pa dir a la playa, recibí una llamada de Tomasín. Ye un amigu que conocí cuantayá nos colexos de Xixón, pero vino estos díes de visita a Llanes con tan mala pata que perdiera'l so gorru, y agora nun quier volver ensín él. Voi dir a buscalu, pero tamién tengo de fixame bien no que cuenten los círculos, tienen información importante p'algamar la salida la selmana que vien*.
* Repartíos peles escenes toparás círculos de colores, contienen la información que foi recoyendo Tomasín na so visita, pon procuru en lleelos, pues la selmana que vien tendrás un escape nel que daqué d'esa información servirate d'ayuda. Agora déxote cola actividá.
Puedes facela ensin salir d'esta misma páxina, o si quies vela más grande pinchar equí: DIR A LA PLAYA "EL SABLÓN"
A Tomasín presta-y enforma esta película de dibuxos animaos, onde la mar y les sableres tienen gran protagonismu.
Dura casi 1 hora 20 minutos, asina que puedes vela en dos o tres veces, cuando meyor se t'apañe.
P.D. Puedes evitar el trailer del principiu, entamando nel minutu 2
Puedes vela na sala cine o si quies vela más grande pincha nel enllaz:
"Los viaxes de Gulliver" realizóse en 1939 nos Estaos Xuníos d'América. Foi'l primeru de los llargumetraxes producíu polos Estudios Paramount, que convirtióse tamién nel primer filme d'esti xéneru que nun taba venceyáu a los Estudios Disney. La película dirixóla Dave Fleischer y foi producida pol so hermanu Max Fleischer, dos pioneros del cine d'animación que nos años 40 diben ser mui populares polos sos curtiumetraxes sobre "Superman".
Dobláu al asturianu por Gonzali Producciones en 2010. Illán Gonzali dirixó y produció'l versionáu, siendo Los viaxes de Gulliver el primer llargumetraxe d'animación dobláu al asturianu.