Comic "Les 7 maravilles de Xixón"
Unos seres mitolóxicos mui modernizáos viven en Xixón.
El Cuélebre tien un apuru, y el Trasgu entama la búsqueda los sos collacios...
Cómic espublizáu pol Ayuntamientu de Xixón, con debuxos de Ruma Barbero.
¿Sabíes que...?
"El suañu d'una nueche de branu"
Ye una obra de Willian Shakespeare.
Willian Shakespeare foi un poeta y dramaturgu inglés. Naz n'abril de 1564 y muerre'l 23 d'abril de 1616. Ta consideráu'l mayor escritor en llingua inglesa de la Historia y ún de los más importantes poetes de la historia de la lliteratura Universal. La so obra ye de tal altor que inda* munchos de los sos personaxes son oxetu d'estudiu. Una de les carauterístiques más destacables de la so obra ye la bayura** psicolóxica de los personaxes de so.
Escribió obres teatrales abondo so temes históricos, anque ensin muncho rigor a los fechos reales. En dellos casos, los rellatos populares y los mitos son la inspiración de gran parte les sos obres.
Éstes foron escrites ente 1588 y 1616, anque nun pueden afitase feches concretes. Dizse que'"El suañu d'una nueche de branu" entamó a escribilu en 1595, finando nel 1600.
Shakespeare foi coetáneu de Cervantes, y ambos morrieron na mesma fecha (anque non nel mesmu día, ya que d'aquella rexía un calendariu diferente n'Inglaterra y n'España).
​
* inda: aínda: alv. Entá, tovía. 2 Cuasi, por poco.
** bayura, la: sust. Riqueza, cantidá [grande de daqué].
¿Y sabíes que más? Esta información provien de la Wikipedia n'asturianu.
¿Ya la conocíes?
A partir de güei atoparás l'enllaz abaxu, xunto col diccionariu, el conxugador de verbos, y la torna.
Y agora pa pesllar...
¡Equí tienes una sopa lletres XL !
Nella podrás atopar los 8 seres mitolóxicos, nos que se basen los personaxes de la historia qu'acabes de lleer.